War Deg Deg ah Madaxweyne Siilaanyo oo Xagla-toosiye u magacaabay Wasiir iyo qaar kale

War-saxaafadeed hadda ka soo baxay Xarunta Madaxtooyada Somaliland oo soo gaadhay warbaahinta ayaa waxa lgu sheegay in uu Madaxweynaha Somaliland xilal kaasi magacaabay

War-saxaafadeedkan oo faah faahsan waxa uu u dhignaa sidan:-

“Madaxweynaha  Somaliland, Mudane, Axmed Maxamed Maxamuud (Siilaanyo) ayaa caawa digreetooyin uu soo saaray ku magacaabay wasiir iyo wasiir ku xigeen cusub, isla markaana wasiirkii hore ee Dib-u-dejintana u magacaabay wasaarad cusub.

Madaxweynuhu:-

Markuu Arkay:     Qodobka 90aad, faqradiisa (2)aad ee Dastuurka  Somaliland,

Markuu Tixgeliyey:           Ahmiyadda wayn ee ay  Wasaaraduhu u leeyihiin Dalka iyo Dhismaha SL,

Markuu Arkay:                        In baahi loo qabo buuxinta jagadan hoos ku xusan,

Markuu Ka Fiirsaday:                Kartidiisa, aqoontiisa iyo hufnaantiisa shaqo,

Markuu ku Qancay:                   In uu hanan karo xilka loo magacaabay, 

Wuxuu go’aansaday

1. 1.         In Mudane, Saleeban Ciise Axmed, laga bilaabo taariikhda maanta uu ahaado Wasiirka Wasaaradda Dib-u-dejinta ee SL.

1. 2.      In Mudane, Cabdirasaaq Cali Cismaan, laga bilaabo taariikhda maanta uu ahaado Wasiirka Wasaaradda Warshadaha ee SL.

1. 3.      In Mudane, Cabdisalaan Maxamed Xasan, laga bilaabo taariikhda maanta uu ahaado Wasiir Ku-xigeenka Wasaaradda Macdanta, Biyaha iyo Tamarta ee SL.

Axmed Saleebaan Maxamed (Dhuxul)
Af-hayeenka Madaxtooyada SL.

MaakhirNews

Xigasho Buraannews.com/Hargeysa